梁嘉琪 | 職業工會大補帖

梁嘉琪（英文名：LeungKaKi，1981年7月14號—）以前係香港無綫電視部頭合約女藝員同埋有線電視女主持。經歷[編輯].梁嘉琪喺屯門東華三院邱子田紀念中學 ...

梁嘉琪（英文名：Leung Ka Ki，1981年7月14號—）以前係香港無綫電視部頭合約女藝員同埋有線電視女主持[1]。

梁嘉琪喺屯門東華三院邱子田紀念中學中學畢業，中學時期佢已經開始接觸話劇，雖然只係負責幕後工作，但已經由入面發掘出自己嘅興趣[2]。畢業後入咗香港演藝學院戲劇學院讀五年，喺2003年考到藝術學士（榮譽）畢業。佢有演出舞台劇經驗，同王祖藍、湯駿業、劉穎璇由演藝學院時期開始已經係老友[2]。

梁嘉琪後尾做有線電視主播，曾未得經理人公司（有線）同意參加電視劇《伙頭智多星》女主角招募，並攞到冠軍，最後都無得演[3]。

但梁嘉琪未有放棄演戲理想，2007年跳槽無綫電視積極發展影視事業。2009年，佢喺《學警狙擊》飾演第三女主角花若葆（藥煲），開始多人識，2011年喺《女拳》飾演唐雪喬，大結局插死馬國明飾演嘅游三水得到唔少迴響。佢多年來劇集、主持兩棲發展，2011年同風車草劇團合作返舞台劇舞台，喺《在那遙遠的一個星球·一粒沙》中一人飾演兩角[4]。

2020年3月，佢同無綫完約。